************************

በምረቃው መርሃ-ግብር ማስጀመሪያ ላይ የዩኒቨርሲቲው ፕሬዚደንት ዶ/ር ደረጀ እንግዳ የአዲስ አበባ ሳይንስና ቴክኖሎጂ ዩኒቨርሲቲ ለ9ኛ ጊዜ ባዘጋጀው የ2015 ዓ.ም የእጩ ተመራቂ ተማሪዎች የምረቃ በዓል ላይ ለመታደም የእንኳን ደህና መጣችሁ እና የእንኳን ደስ አላችሁ መልዕክታቸውን አስተላልፈዋል፡፡

በምርቃ መልዕክታቸው ዶ/ር ደረጀ ዩኒቨርሲቲው የፈፀማቸውን አበይት ተግባራት ዘርዝርዋል፡፡

እንደ ፕሬዚደንቱ ገለፃ የትምህርት ጥራትና አግባብነትን ማረጋገጥ ዋነኛው የትምህርት መስክ የትኩረት አቅጣጫ በመሆን በሃገራችን ብሎም በዩኒቨርሲቲያችን በአትኩሮት እየተሰራ እንደሚገኝ አስረድተዋል። ዩኒቨርሲቲው የሚጠቀምበትን ስርዓተ-ትምህርት / ካሪኩለም ጊዜውን የዋጀ እና ተግባር እና ውጤት ተኮር በማድረግ የኢንዱስትሪውን እና የባለድርሻ አካላትን ተሳትፎ በማሳደግ ተቀርጾ በትግበራ ላይ እንደሚገኝ የገለፁት ዶ/ር ደረጀ ዩኒቨርሲቲው ከዚህ ጎን ለጎን የዩኒቨርሲቲውን ተማሪዎች በፈጠራ ስራ/ኢኖቬሽን እና ስራ ፈጠራ ኢንተርፕረነርሽም ችግር ፈቺ እና በዘላቂ የልማት ግቦች ላይ የራሳቸውን ድርሻ እንዲወጡ እና ምሉእ ዜጋ እንዲሆኑ የተለያዩ መርሃ ግብሮችን በመተግበር ላይ እንደሚገኙ አስረድተዋል።

ዩኒቨርሲቲያችን ሀገራችን ላስቀመጠችው የልማት፣ የኢኮኖሚና ማህበራዊ የእድገት እቅድ እንዲያግዙ ልዩ ተልዕኮ ተሰጥቷቸው ከተቋቋሙት ሁለት የሳይንስና ቴክኖሎጂ ዩኒቨርሲቲዎች አንዱ እንደሆነ ያስረዱት ፕሬዚደነቱ በሀገራችን የልማትና እድገት ጉዞ እንዲመጣ የሚጠበቀውን የኢኮኖሚ መዋቅራዊ ለውጥ ከማፋጠን አንጻር፣ የተተለመውን አገራዊ እቅድ ለማሳካት ኢንዱስትሪው የሚፈልገውን የሰው ሃይል በማፍራት በኩል እስከ አሁን ከ12,500 በላይ ተመራቂዎችን ከመጀመሪያ ዲግሪ እስከ ፒኤችዲ ዲግሪ አስመርቆ የበኩሉን ድርሻ እየተወጣ ይገኛል ብለዋል፡፡

በዛሬው እለትም በመደበኛና በተከታታይ ፕሮግራሞች ትምህርታቸውን ያጠናቀቁ በቅድመ ምረቃ 943 ምሩቃን ከዚህም ውስጥ 839 በመደበኛ መርሃ